សម្ដេចអគ្គមហាពញាចក្រី ហេង សំរិន អញ្ជើញជាអធិបតីក្នុងពិធីបំពាក់គ្រឿងឥស្សរិយយសជូនសមាជិករដ្ឋសភា
25-December-2015 | ដោយ មួយឡា
ភ្នំពេញ៖ នៅរសៀល ថ្ងៃទី ២៤ ខែ ធ្នូ ឆ្នាំ ២០១៥ សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជាបានអញ្ជើញជាអធិបតីក្នុងពិធីបំពាក់គ្រឿងឥស្សរិយយសជូនសមាជិកសមាជិកា រដ្ឋសភា នីតិកាលទី៥ នៅវិមានរដ្ឋសភា។ ការផ្តល់ជូនគ្រឿងឥស្សរិយយសដល់សមាជិក សមាជិកា គឺអនុវត្តតាមច្បាប់លក្ខន្តិកៈតំណាងរាស្ត្រដែលជាការឆ្លើយតបទៅនឹងគុណបំណាច់ដ៏ឧត្ដុង្គឧត្តម ដែលសមាជិកសមាជិកា បានបំពេញភារកិច្ចបម្រើជាតិ និងប្រជាពលរដ្ឋនៅក្នុងអណត្តិរបស់ខ្លួន។
សម្ដេចអគ្គមហាពញាចក្រី ហេង សំរិន បានថ្លែងអំណរគុណនិងប្រសិទ្ធពរជ័យជូនពរដល់សមាជិកសមាជិការដ្ឋសភាទាំងអស់ក្នុងឱកាសចូលឆ្នាំសាកលខាងមុខ សូមបវរសួស្តី សិរីមង្គលមហាប្រសើរនិង សូមទទួលបាននូវកាយពលមាំមួន បញ្ញាញ្ញាណភ្លឺថ្លា ប្រាជ្ញាឈ្លាសវៃ សុខភាពល្អបិរបូរណ៍ ព្រមទាំងជួបប្រទះតែពុទ្ធពរបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕ ដោយ មែន កំសត់
ចំនួនអ្នកទស្សនា
- ថ្ងៃនេះ781
- ម្សិលមិញ14181
- សប្តាហ៍នេះ781
- ខែនេះ115931
- ឆ្នាំនេះ115931
- សរុប20558387